புது ஹேர் ஸ்டைலில் விஜய்
விஜய்யின் லேட்டஸ்ட் புகைப்படங்கள் இரண்டு சமூக வலைதளங்களில் வெளியாகியுள்ளது.
அட்லி இயக்கத்தில் விஜய் அப்பா ராயப்பன், மகன் மைக்கேலாக நடித்த பிகில் படம் தீபாவளி ஸ்பெஷலாக இன்று ரிலீஸாகியுள்ளது. பிகில் ரிலீஸின்போது விஜய் லண்டனில் இருப்பார் என்று ஏற்கனவே தெரிவிக்கப்பட்டது.
இந்நிலையில் விஜய்யின் லேட்டஸ்ட் புகைப்படங்கள் இரண்டு வெளியாகி சமூக வலைதளங்களில் வைரலாகியுள்ளது. அந்த புகைப்படங்களில் விஜய் வழக்கம் போன்று ஒரு சின்ன ஸ்மைலுடன் க்யூட்டாக உள்ளார். ஆனால் அவரின் ஹேர் ஸ்டைல் தான் அனைவரின் கவனத்தையும் ஈர்த்துள்ளது.
விஜய்யின் தலைமுடி நன்றாக இருக்குமே இது ஏன் இப்படி உள்ளது என்று பலரும் கேள்வி எழுப்பியுள்ளனர். விஜய்யின் தீவிர ரசிகர்களோ அவர் தொப்பி அணிந்திருக்கக்கூடும், புகைப்படம் எடுக்கும்போது மட்டும் தொப்பியை கழற்றியிருப்பார் அதனால் முடி அப்படி உள்ளது என்று விளக்கம் அளித்துள்ளனர்.
சில ரசிகர்களோ, அண்ணா இந்த ஹேர்ஸ்டைலில் யூத் லுக்கில் செமயாக இருக்கிறார். அதை போய் கிண்டல் செய்கிறார்களே ரசனை இல்லாதவர்கள் என்று கூறியுள்ளனர்.
இப்படி விஜய்யை தலையில் தூக்கி வைத்து கொண்டாடும் ரசிகர்களுக்காகவே பிகில் படத்தை எடுத்துள்ளார் அட்லி. இருப்பினும் படத்தை பார்த்த தீவிர ரசிகர்கள் சிலரே, ஒரே குழப்பமாக இருக்கிறது. படம் புதுசு தான் ஆனால் அதில் வரும் காட்சிகளை எல்லாம் எங்கெங்கோ பார்த்தது போன்று உள்ளது. எங்கு என்று யோசிக்க வேண்டும் என்கிறார்கள்.
